التسريب الجديد: السيسي يحذر من استخدام القوة في التعامل مع سيناء!
مفكرة الإسلام : نشرت قناة الجزيرة مباشر مصر، مساء اليوم الثلاثاء، تسريبًا جديدًا منسوبًا لوزير الدفاع المصري عبد الفتاح السيسي، يتناول فيه قضية سيناء.
وجاء في نص التسريب، على لسان السيسي:
"انا عايز أقولك يعني, انت مش متصور وانت ظابط جيش انه بمنتهى البساطة يعني حاجة على رفح والشيخ زويد, أروح محاصرها ومطلع السكان اللي فيها واروح مفجر المباني اللي موجودة فيه, كدة يعني؟ احنا نعمل كدة؟ مش هنقتل حد ولا حاجة. رفح والشيخ زويد اعمل حصار, خرج السكان, ال100 بيت دول يتنسفوا.. ممكن نعمل كدة. حد ضرب نار طلع قدام النار دي 100 نار, مات اتنين تلاتة أبرياء, انت في الآخر بتشكل عدو ضدك وضد بلدك. انه بقى فيه تار بينك وبينه. دي واحدة"
وأضاف السيسي: "احنا بنشكل أمن بالتواجد مش بالقتال. خلي بالك الكلام ده احنا بنقوله كدة مع بعض بالتواجد مش بالقتال ما هي دبابة واحدة ورشاش واحد قادر يعمل حاجات كتير بس دول في الآخر أهلك وناسك, ولازم نستدعي حالة انفصال الجنوب في سودان بدأت من خمسين سنة. بدأت ايه من 50 سنة, وكانت المعادلة ايه؟ أمنية. أمنية فقط. مفيش فيها حسابات رفيعة, والضغط بتاع الرأي العام كان حاكم, وكان اللي بيقود المعادلة بيتأثر بيه وبيتجاوب معاه, حتى لو كان ده ضد مصلحة الأمن القومي على المدى البعيد, النتيجة ايه؟ انفصال"